放完年假，忙到有氣冇埞唞？
新一年放完個假，冇得拜年但抖嘅時間都唔係好夠，轉下眼又要返工返學。雖然我哋有得放假，但工作都係會繼續累積，搞到自己密密做、無停手，氣都無得唞，壓力仲大過平時？😖
原來當人緊張嘅時候，我哋嘅呼吸就會自然變得又短又快，做成有氣冇埞唞嘅感覺，仲會攪到頭腦無平時咁清晰😵💫。因為當呼吸太急速，我哋體內氧氣同二氧化碳量就會唔平衡，令個腦無咁好駛。姐係細個考試個腦一片空白又或者做做下present個人hang左機，都係因為我哋緊張，呼吸又短又快，令到我地頭腦唔清晰。所以要有效率又輕輕鬆鬆咁完成工作，就要記得再忙都要唞唞氣。
一字記之曰：「慢」🐢。
頭先講過緊張，呼吸就會又短又快，頭腦就會唔清晰又會覺得好大壓力，所以我哋要反其道而行，要盡力「慢慢」呼吸。
咁...要有幾慢？1分鐘5-6次呼吸就差唔多，姐係每個呼吸大約10秒鐘。最好可以吸短呼長，吸4秒，呼8秒。研究顯示用呢個速度呼吸可以有效減壓同提昇工作效率。
為左可以輕鬆收爐，快啲掃去最後一頁跟住練習喇！
Commentaires